— Што за дзіўны гул і гам
На двары пачуўся?
Што за гукі чую там –
Сам не разбяруся.
Нешта вые, нешта йржэ,
Нешта ціха квохча,
Нешта ўвогуле маўчэ,
Раптам піскне штосьці.
Што за гукі на двары?
Маці, патлумач мне.
— Пеўнік з ранняе пары
Зерне трушчыць смачна,
Потым узлётае на плот —
Будзіць спазаранку.
Мяўкне наш праныра-кот,
Піскне мыш пад лаўкай.
Проса курыца таўчэ,
Квохчуць кураняты,
Ў хлеве часам конь іржэ.
Прэ кашлаты ў хату –
Вые, просіцца пад дах,
Ные небарака.
“Гаў” гудзе ў маіх вушах —
Так гучыць сабака.
